Basa Jawa kuwi salah siji basa kang di nduweni bangsa Indonesia, tumrape kanggo wong Jawa ing tanah jawa. Basa kuwi minangka symbol jatidiri Bangsa, ing Indonesia dewe Basa kaperang dadi pirang-pirang, ana Basa Sunda ing Pasundan, ana Basa Jawa ing jawa, ana Basa Alor ing Maluku lan sapanunggalane. Basa jawa kuwi uga nduweni ugeran mungguh ing panganggone, ana basa Krama, basa madya, lan Ngoko. Para leluhur wes ninggali basa jawa kanggo generasi saiki, pancen wong jawa kuwi nduweni cak-cakan basa kang tumata. Basa jawa kuwi nduweni trap-trapanutawa urutan kanggo sing nggunaake lan sing diajak guneman. Ing piwulang jawa basa kuwi minangka symbole wong jawa, minangka tetenger yen kuwi dadi cirikhase wong jawa.
Basa jawa ing jaman saiki wes rada owah panganggone, awit saka anane budaya luar negri sing mulai mlebu ing tanah Jawa. Basa jawa kanggo wong jawa ing basa padinan kuwi minangka sumber komunikasi baku. Kanggo mangerteni tataran basa sapa sing dijak guneman upamane kanggo sing luwih tuwa. Basa jawa nduweni dialek sing beda, saben 9 kilometer basa jawa kuwi mesti ana bedane, sanajan tho isih bisa dimangerteni. ing bebrayan awake dhewe bisa ngupadi kawruh kang durung di mangerteni, awit ing sakiwa tengene dhewe isih jarang sing mangerteni basa jawa tulen. Malah wagu yen ngucapake basa jawa kang dicampur karo basa Indonesia, ana ing ranah selebriti basa jaw awes dicampur dadi basa padinan ing Basa Indonesia.
Bocah ing jaman saiki wes padha lali dening basane, karo kanca dolanane wae kadang wes kacampur karo basa liyane. Ing bebrayan basa jawa kuwi nyimbolake sikap saka sing ngucapake, akeh para pejabat, wong-wong kantoran sing isih ngupaya ngleluri basa jawa kuwi mau. Ananging uga ana keputusan-keputusan pamarintah sing mung sekarepe dhewe, salah sijine penghapusan bahasa daerah. Ing tataran kuwi basa jawa kalebu tataran basa daerah, kamangka yen keputusn kuwi ana, banjur basa jawa arep digawa menyang ngendi. Jarene bangsa kang luhung, yakuwi bangsa kang gelem ngleluri budayane. Basa jawa mung bagian sethithik Kabudayan kang maneka warna ing Indonesia .
Solusine Ngleluri Basa Jawa
Jan-jane basa jawa kuwi ngandut bui pakerti lan nilai moral kang luhung,buktine apa? buktine basa jawa kuwi bisa menehi patuladan kang becik tumrap bocah-bocah jaman saiki. Yaiku ngajari basa marang sing luwih tuwa, ngajeni sing luwih tuwa dadi ana ajine. Nanging saiki tataran basa jawa wis owah amarga wes akeh sing pada lali marang basane dewe. Apa maneh ana ing pawiyatan basa jawa kuwi mung di enggo dadi pelengkap mata pelajaran. Sing kudune kanggo nguri-nguri budayane malah kawur dening mata pelajaran liyane. Mbuh kepiye carane supaya basa jawa kuwi bisa kuncara ing bebrayan kang mapan ing pawiyatan bisa ngraketake antarane dwija klawan sunu. Pamarintah provinsi wes nganaake solusi kanggo ngleluri basa jawa, saben dina kemis kabeh wajib nggunaake basa jawa lan batik. Yen nang Ponorogo jawa timur kabeh PNS wajib nganggo klambi warok, embuh kuwi guru, pegawe kantoran lan liya-liyane. Kuwi minangla sallah siji cara kanggo ngleluri budaya jawa tumrape basa jawa.
Saiki akeh para Dharma Siswa saka Negara manca kang nyinaoni babagan Basa Jawa, amarga ana gaya basa dewe kang ora dinduweni negarane. Miturut Angela Arunna Sirakul, salah siji Dharma Siswa saka USA, dheweke ngomong yen basa jawa kuwi nduwe daya pikat, sing gawe dheweke seneng. Ing basa jawa ana sing diarani Cangkriman, parikan, Wangsalan lan liya-liyane. Angela ing negarane ora bisa nemokake basa kang kaya mangkene. Apa iya ta wong manca sing bakal ngeluri basa jawa, banjur kepiye mungguhe wong jawa asline ?
Tidak ada komentar:
Posting Komentar